Die effek van militêre ontplooiing op die soldaat in Kwazulu-Natal met spesifieke verwysing na die gesin

Abstract

Na aanleiding van die toename in tendense wat voorkom by die ontplooide soldate, byvoorbeeld aansoeke om verplasings nader aan die huis, afwesigheid sander verlof en alkoholmisbruik, het die navorser ondersoek ingestel na die effek van die ontplooiing op die soldaat en sy gesin. 'n Verkenningstudie is gekies om die probleemareas te verken. Die nominale groepstegniek is gebruik om die inligting te verkry vanaf die 16 gesinne wat deur doelbewuste seleksie gekies is. Die Die navorser het bevind dat daar wel verskeie probleme tuis ontstaan het as gevolg van die ontplooiing. Beide die blanke en Zoeloe gesinne het probleme ervaar as gevolg van die ontplooiing, alhoewel die probleme verskil het by die verskillende kulture. Verskeie aanbevelings is gemaak en sluit die samewerking van die maatskaplike werkers, kompanie bevelvoerders, eenheidsbevelvoerders om die omstandighede van die soldate in die ontplooiingsituasie, asook die van hulle gesinn, te verbeter.