Invloed van ʼn pendelhuwelik op die jong kind in die gesin

Abstract

Pendelhuwelike is aan die toeneem en het verskeie invloede op die jong kind in die gesin. Die primêre doel van die studie was om emosionele en sosiale intelligensie as basis te gebruik om die invloed van ʼn pendelhuwelik op ʼn jong kind tussen 7 en 11 jaar te bepaal. ʼn Gemengde navorsingsontwerp is as empiriese ondersoek gedoen. Vyf deelnemers het deelgeneem in drie sessies elk. Die data-insamelingsinstrumente was: waarneming en veldnotas; projeksiemedia; ʼn vraelys, en ʼn semi-gestruktureerde onderhoud met elk van die betrokke moeders. Die meting van emosionele en sosiale ontwikkeling met behulp van die vraelys toon dat, ongeag van die afwesigheid van die deelnemers se vaders, en die konflikte, vrese en behoeftes wat hulle ervaar volgens die projeksiemedia, die deelnemers se emosionele en sosiale ontwikkeling oorwegend gemiddeld tot hoog is. Die uitkomste bied hopelik ʼn insiggewende bydrae hoe pendelhuwelike vyf jong kinders se emosionele en sosiale ontwikkeling beïnvloed het.

Commuter marriages are increasing and have various influences on the young child in the family. The primary aim of this study was to determine the influences of a commuter marriage on a young child between 7 and 11 years, using emotional and social intelligence as a basis. A mixed method empirical research design was used. Three sessions were conducted with five participants individually to obtain data through: observations and field notes, projection media, a questionnaire, and a semi-structured interview with each mother. The measurement of emotional and social development through the use of the questionnaire shows that, despite the absence of the participants’ fathers, and the conflicts, fears and needs they experienced according to the projection media, the participants’ emotional and social development are predominantly average to high. The study hopefully provides a significant contribution to the understanding of how commuter marriages influenced five young children’s emotional and social development.